नवोदित कलाकारांना मिळाले मोठे व्यासपीठ! सिनेमॅजिक एंटरटेनमेंटची हिंदी वेबसीरिज ‘मुखौटा’ लवकरच प्रेक्षकांच्या भेटीला

मुंबई : नवोदित कलाकारांना अभिनयाची संधी आणि आपली कला सादर करण्यासाठी व्यासपीठ उपलब्ध करून देण्याच्या उद्देशाने सिनेमॅजिक एंटरटेनमेंटची आगामी हिंदी वेबसीरिज ‘मुखौटा’ लवकरच प्रदर्शित होणार आहे. या वेबसीरिजचे पोस्टर नुकतेच प्रदर्शित झाले असून, त्यामुळे प्रेक्षकांमध्ये उत्सुकता निर्माण झाली आहे.

सिनेमॅजिक एंटरटेनमेंटने आतापर्यंत किमान १० चित्रपटांची निर्मिती केली आहे. या वेबसीरिजची निर्मिती रोहित चौधरी, सना खान आणि जुनैद सिद्दीकी यांनी केली असून, कथा आणि दिग्दर्शनाची जबाबदारी संतोष पांचाळ यांनी सांभाळली आहे.

या वेबसीरिजमध्ये विवेक ढाणके आणि निकिता पाटील मुख्य भूमिकेत दिसणार आहेत, तर किरण अकेरकर आणि जैनब खातून यांनी प्रमुख खलनायकांच्या भूमिका साकारल्या आहेत. बालकलाकारांमध्ये भूमी जाधव (मुख्य पात्राची बहीण), अनन्या चोरमळ (मुख्य पात्राचे बालपण) आणि समीक्षा वाघ (खलनायकाचे बालपण) यांचा समावेश आहे. तसेच मुख्य पात्राच्या मित्रमैत्रिणींच्या भूमिकेत कांचन गावस्कर, प्राची कदम आणि रोहिणी सुतार दिसणार आहेत.

इतर महत्त्वपूर्ण भूमिकांमध्ये महिला पोलीस निरीक्षक वैशाली कदम, पोलीस कॉन्स्टेबल आदेश रुम्बडे, वर्तमान काळातील काळजीवाहक पूनम देवरे, भूतकाळातील काळजीवाहक अश्विनी राऊत आणि मुखवटे तयार करणाऱ्या डॉक्टरच्या भूमिकेत कलावती सुर्वे झळकणार आहेत.

तांत्रिक टीममध्ये पियुष कांबळे आणि कौस्तुभ भाटे यांनी छायाचित्रण दिग्दर्शक (DOP) म्हणून, तर स्वयंम बागडे आणि आर. के. लकी यांनी सहायक छायाचित्रकार म्हणून काम पाहिले आहे. कार्यकारी निर्माते म्हणून प्रदीप चौधरी आणि अतुल परब यांनी जबाबदारी सांभाळली आहे. या वेबसीरिजमध्ये ‘तेरे इश्क़ में’ हे सुंदर गाणेही प्रेक्षकांना ऐकायला मिळणार आहे.

‘मुखौटा’ या वेबसीरिजच्या माध्यमातून नवोदित कलाकारांना आपली अभिनयक्षमता दाखवण्याची संधी मिळणार असून, एक रंजक कथा प्रेक्षकांसमोर सादर होणार आहे. त्यामुळे या वेबसीरिजच्या प्रदर्शनाकडे आता प्रेक्षकांचे लक्ष लागले आहे.